|
 |
Բանկի մասին |
|
|
|
| Բանկի մասին / Ընդհանուր տեղեկատվություն |
|
|
|
|
Հայէկոնոմբանկը` Հայաստանի Հանրապետության խոշորագույն համակարգաստեղծ բանկերից մեկն է: Հանդիսանալով ունիվերսալ ֆինանսավարկային կառույց, Հայէկոնոմբանկն իր հաճախորդներին առաջարկում է բանկային ծառայությունների ընդգրկուն փաթեթ:
Հայէկոնոմբանկը (նախկին ԽՍՀՄ Բնակսոցբանկի հայկական հանրապետական բանկ) Հայաստանի Հանրապետության պետական բանկերից առաջինն է վերակազմավորվել բաժնետիրական բանկի:
Բանկի համար շրջադարձային էր 1997 թվականը, երբ կատարվեց բաժնետիրական կապիտալի կառուցվածքի արմատական փոփոխություն, շնորհիվ նոր, ռազմավարական ներդրողների ներգրավման՝ ի դեմս երկրի խոշորագույն ՍԻԼ կոնցեռնի հիմնադիրներ Սուքիասյանների ընտանիքի: Բանկը լուծեց կապիտալիզացիայի խնդիրը՝ մեկ տարվա ընթացքում հնգապատկելով կանոնադրական կապիտալը:
ՍԻԼ կոնցեռնի հիմնադիրների փայամասնակցությունը հետաքրքրություն եւ վստահություն առաջացրեց արտասահմանյան գործարարների շրջանում եւ արդյունքում, Բանկի կանոնադիր կապիտալում արտասահմանյան կապիտալի մասնակցությունը կազմեց 38.3%:
Այսօր Հայէկոնոմբանկն ունի լայն մասնաճյուղային ցանց, որը բաղկացած է 28 մասնաճյուղերից (որոնցից 12-ը՝ գտնվում են ք. Երեւանում, 15-ը՝ ՀՀ մարզերում, մեկը՝ ԼՂՀ-ում):
Բանկը սպասարկում է հաճախորդների խոշոր զանգված: Բանկի ակտիվ գործող հաճախորդների թիվը 05.02.2005թ. դրությամբ կազմում է ավելի քան 33 հազար իրավաբանական եւ ֆիզիկական անձ, որոնց գերակշռող մասը գտնվում է մայրաքաղաքում:
05.02.2005թ. դրությամբ Հայէկոնոմբանկի ընդհանուր ակտիվները կազմել են 26,668.1մլն. դրամ, ընդհանուր կապիտալը՝ 4,677.5 մլն. դրամ, իսկ ընդհանուր պարտավորությունները՝ 21,990.6 մլն. դրամ: 2004թ. գործունեության արդյունքներով բանկը ձեւավորել է 1,062.8 մլն. դրամի շահույթ:
Բանկի ակտիվային գործառնությունների գերակշռող մասը բաժին է ընկնում վարկային գործունեությանը: Հանդիսանալով ունիվերսալ բանկ, Բանկը վարկավորում է երկրի տնտեսության համարյա բոլոր ճյուղերը՝ պայմանավորված ներկայացվող ծրագրի ռիսկայնությամբ եւ հեռանկարով: Բանկն ակտիվ գործունեություն է ծավալել միջազգային վարկավորման ծրագրերով վարկավորման ուղղությամբ: Բանկը տրամադրում է ինչպես առեւտրային, այնպես էլ սպառողական, հիպոթեքային վարկեր եւ այլ ֆինանսական ծառայություններ:
Հայէկոնոմբանկը ակտիվ համագործակցություն է ծավալում միջազգային ֆինանսավարկային կազմակերպությունների հետ, որի արդյունքում բանկը իրականացնում է մի շարք վարկային ծրագրեր:
Բանկը լայնածավալ գործունեություն է ծավալում նաեւ երկրի արտարժութային շուկայում, առաջատար դիրքեր զբաղեցնելով միջբանկային շուկայում:
Բանկի գործունեության կարեւորագույն ուղղություններից է նաեւ՝ էլեկտրոնային ֆորմատում բանկային ծառայությունների մատուցումը (ինտերնետային տեխնոլոգիաների ներդրում) եւ պլաստիկ քարտերի թողարկումը եւ սպասարկումը: Հանդիսանալով երկրի ԱՐՔԱ վճարահաշվարկային համակարգի հիմնադիր անդամ, բանկը սպասարկում է քարտային շուկայի կեսից ավելին: Բացի քարտերով ավանդական ծառայություններից, բանկը երկրի խոշորագույն տնտեսական կառույցներին մատուցում է նրանց աշխատակիցների աշխատավարձերի քարտով տրամադրման ծառայությունը: |
|
|
