|
 |
Լրատվություն |
|
|
|
| Լրատվություն / Մամուլը բանկի մասին |
|
|
 |
|
2005 թ. |
|
ՀԱՅԿԱԿԱՆ ԺԱՄԱՆԱԿ 16.03.05թ.
ՏԱՔՍԻՆԵՐԸ ՔԱՐՏԵՐՈՎ
Երեկ «Հայէկոնոմբանկում» տեղի ունեցավ մի հետաքրքիր պայմանագրի ստորագրում: Այդ պայմանագրով երեք տաքսի ծառայությունների հաճախորդներ հնարավորություն կստանան վճարել «Հայէկոնոմբանկի» պլաստիկ քարտերով: Խոսքը «Ամերիքըն տաքսի», «Սիթի քեբ» եւ «Քեթրին» տաքսի ծառայութունների մասին է: Տաքսիները համապատասխան սարքավորումներով համալրելու բոլոր ծախսերն իր վրա է վերցրել «Հայէկոնոմբանկը»:
ԱԶԳ 16.03.05
ԵՐԵՔ ՏԱՔՍԻ ԾԱՌԱՅՈՒԹՅՈՒՆՆԵՐՈՒՄ ՎՃԱՐՈՒՄՆԵՐԸ ԿԱՐՈՂ ԵՆ ԿԱՏԱՐՎԵԼ ՊԼԱՍՏԻԿ ՔԱՐՏԵՐՈՎ
Երեկ Հայաստանի բանկերից առաջինը լինելով «Հայէկոնոմբանկը» պլաստիկ քարտերով վճարման պայմանագրեր կնքեց երեք տաքսի ծառայությունների հետ: Այսուհետեւ «Սիթիկեք», «Քեթրին» եւ «Ամերիկան» տաքսի ծառայությունների հաճախորդները հնարավորություն կունենան վճարումները կատարելու բանկի թողարկած «Արքա» քարտերով:
Ինչպես տեղեկացրեց «Հայէկոնոմբանկի» գործադիր տնօրենի տեղակալ Արսեն Կատվալյանը, ընտրվել են առավել կազմակերպված եւ խոշոր տաքսի ծառայությունները, որոնց մեքենաների ընդհանուր թիվը հասնում է 150-ի: Սա փորձնական ծրագիր է, որից հետո վերոնշյալ ընկերությունների մեքենաներից հնարավոր կլինի օգտվել նաեւ հայկական մյուս բանկերի թողարկած «Արքա» քարտերով: Հեռանկարում տաքսի ծառայություններում նախատեսվում է կիրառել միջազգային՝ «Վիզա» եւ «Մաստեր քարտ» քարտերը:
Մեքենաների ներսում վճարումների համար սարքավորումների տեղադրման, վարորդների ուսուցման եւ այլ ծախսերը կատարել է բանկը: Դրանք ընդհանուր առմամբ արժեցել են 15 հազար դոլար (յուրաքանչյուր ընկերության համար 5 հազար դոլար):
«Հայէկոնոմբանկի» փոխտնօրենի կարծիքով, սկզբնական շրջանում պլաստիկ քարտերով կկատարվի վճարումների 10 տոկոսը, հետագայում անկանխիկ վճարումների ծավալները կավելանան: Իսկ թե «տաքսի ծառայությունների համար որքանո՞վ նպաստավոր կլինի անկանխիկ աշխատելը, քանի որ դա նշանակում է ստվերային գործունեության նվազեցում» հարցի կապակցությամբ նշվեց, որ տաքսի-ծառայություններն աշխատում են հաստատագրված վճարով (յուրաքանչյուր մեքենայի դիմաց), հետեւաբար դա որեւէ կերպ չի ազդում նրանց եկամուտները թաքցնելու կամ չթաքցնելու վրա:
|
|
| |
|
Արխիվ |
|
| էջը գտÝվոõմ է ձեւավորմաÝ փոõլոõմ |
|
|
